Team Fortress 2

Team Fortress 2 (TF2) ye un videoxuegu multixugador de disparos en primer persona desenvueltu y publicáu por Valve Corporation. Ye la secuela al mod de 1996 para Quake del mesmu nome y el so remake de 1999 Team Fortress Classic. Foi llanzáu per primer vegada como parte de la escoyeta de videoxuegos The Orange Box el 10 d'ochobre de 2007 para Windows y Xbox 360. Una versión pa PlayStation 3 foi llanzada darréu. El xuegu dempués foi llanzáu en forma separada pa Windows el 8 d'abril de 2008, pa OS X dos años más tarde y pa Linux el 14 de febreru de 2013. Team Fortress 2 ye distribuyíu en llinia dende'l serviciu Steam, ente que la venta al públicu yera remanáu por Electronic Arts. El 23 de xunu de 2011, el xuegu fíxose free-to-play, sofitáu por microtransacciones por armes nel xuegu por Steam. El desenvolvimientu de Team Fortress 2 foi dirixíu por John Cook y Robin Walker que orixinalmente crearon el mod Team Fortress para Quake en 1996. El xuegu foi anunciáu en 1998, y yera primeru impulsáu pol motor GoldSrc de Valve, pero esto camudó yá que pasó por distintes fases de diseñu. En 1999, el xuegu paecía esviase de los sos predecesores al siguir un estilu de xugabilidá más realista y militarista, pero'l so diseñu foi camudando nun ralu de desenvolvimientu de nueve años. La rindición final amuesa un estilu visual caricaturescu influyíu pol arte de J. C. Leyendecker, Dean Cornwell y Norman Rockwell. y ye remanáu pol motor Source. El xuegu en si xira en redol a dos equipos, cada unu col accesu a nueve clases de personaxes distintos, lluchando nuna variedá de maneres de xuegu asitiaos en distintes redolaes o mapes, dacuando con una tema de fábrica o de depósitu. Tres el so llanzamientu, el xuegu recibió aclamación de la crítica y dellos premios, siendo emponderáu por el so estilu gráficu, xugabilidá banciada, el so humor y pol so usu de personalidaes de personaxes completos nun videoxuegu namái multixugador.